72.64 F
New York, US
May 23, 2024
PreetNama
ਸਮਾਜ/Social

ਬਾਬਾ ਨਾਨਕ

ਬਾਬਾ ਨਾਨਕ
ਜਦੋਂ ਸੀ ਬਾਬਾ ਨਾਨਕ ਆਇਆ
ਜੱਗ ਤੇ ਅੰਧਕਾਰ ਸੀ ਛਾਇਆ

ਕਲਯੁੁਗ ਭਾਰੂ ਪਿਆ ਸੀ ਸਭ ਤੇ
ਆਣ ਗੁਰਾਂ ਨੇ ਯੁਗ ਪਲਟਾਇਆ

ਵਹਿਮ ਭਰਮ ਚੋਂ ਕੱਢਣ ਦੇ ਲਈ
ਤਰਕ ਬੁੱਧੀ ਦਾ ਸਬਕ ਸਖਾਇਆ

ਜਾਤ ਪਾਤ ਦਾ ਕੜਾ ਸੀ ਪਹਿਰਾ
ੳੁਚ ਨੀਚ ਦਾ ਫਰਕ ਮਟਾਇਆ

ਨਾ ਕੋਈ ਵੈਰੀ ਨਾ ਹੀ ਵੈਗਾਨਾ
ਸਭ ਨੂੰ ਸੀਨੇ ਨਾਲ ਲਗਾਇਆ

ਧਰਮਾਂ ਦੇ ਸੀ ਬਹੁਤ ਹੀ ਝਗਡ਼ੇ
ਏਕੇ ਦਾ ਉਪਦੇਸ ਸੁਣਾਇਆ

ਮਹਿਨਤ ਕਰੋ ਵੰਡ ਕੇ ਖਾਵੋ
ਅੈਸਾ ਨਵਾਂ ਸਮਾਜ ਰਚਾਇਆ

ਔਰਤ ਬਣਦਾ ਅਾਦਰ ਪਾਵੇ
ਮਰਦ ਬਰਾਬਰ ਹੱਕ ਧਰਾਇਆ

ਵਿਧਵਾ ਵਿਅਾਹ ਨੂੰ ਹਾਮੀ ਦਿੱਤੀ
ਸਤੀ ਪ੍ਰਥਾ ਦਾ ਰੋਗ ਮਿਟਾਇਆ

ਕੋਡੇ ਰਾਕਸ ਵਰਗਿਆਂ ਤਾਂਈ
ੲਿਨਸਾਨੀਅਤ ਪਾਠ ਪੜਾਇਆ

ਕਿਰਤੀ ਦੀ ਲੁੱਟ ਬਹੁਤ ਸੀ ਹੁੰਦੀ
ਦੱਬਿਆਂ ਲੋਕਾਂ ਤਾਂਈ ਉਠਾਇਆ

ਗੰਗਾ ਜਲ ਸੁਟ ਖੇਤਾਂ ਵੱਲ ਨੂੰ
ਭਰਮੀ ਲੋਕਾਂ ਨੂੰ ਸਮਝਾਇਆ

ਰੱਬ ਦਾ ਰੂਪ ਸ਼ਕਲ ਨਾ ਕੋਈ
ਨਾਮ ਸੱਚ ਹੈ ਖੁਦ ਫੁਰਮਾਇਆ

ਸਿਖੇ ਅਤੇ ਸਿਖਾਵੇ ਸਭ ਤਾਂਈ
ਸਿੱਖਣ ਵਾਲਾ ਧਰਮ ਚਲਾਇਆ

ਭਰਮ ਭੁਲੇਖਿਆਂ ਵਿੱਚੋਂ ਕੱਢ ਕੇ
ਬਿੰਦਰਾ ਨਵਾਂ ਜਹਾਨ ਵਸਾਇਆ

Binder jaan e sahit…

Related posts

132 ਪਿੰਡਾਂ ‘ਚ ਪਿਛਲੇ 3 ਮਹੀਨਿਆਂ ਦੌਰਾਨ ਨਹੀਂ ਜਨਮੀ ਕੋਈ ਕੁੜੀ, ਹੁਣ ਹੋਵੇਗੀ ਜਾਂਚ

On Punjab

51 ਸਾਲ ਬਾਅਦ ਲੱਭਿਆ ਭਾਰਤੀ ਫੌਜ ਦਾ ਗਾਇਬ ਜਹਾਜ਼

On Punjab

ਕਾਰਾਂ ਤੋਂ ਸਾਈਕਲਾਂ ‘ਤੇ ਆਏ ਅਮਰੀਕੀ, ਅਚਾਨਕ ਸਾਈਕਲਾਂ ਦੀ ਮੰਗ ‘ਚ 600% ਵਾਧਾ, ਆਖਰ ਕੀ ਹੈ ਕਾਰਨ ?

On Punjab