86.29 F
New York, US
June 18, 2024
PreetNama
ਸਮਾਜ/Social

ਡੋਰੀ

ਡੋਰੀ
ਬਾਬਲ ਮੇਰੇ ਡੋਰੀ ਹੱਥ ਤੇਰੇ
ਜਿਥੇ ਚਾਹਵੇ ਤੋਰ ਦਵੀ ।
ਪਰ ਇੱਕ ਗੱਲ ਮੰਨ ਧੀ ਆਪਣੀ ਦੀ
ਦਾਜ ਦੇ ਲੋਭੀ ਮੋੜ ਦਵੀ ।

ਧੀ ਦੇਣੀ ਇੱਕ ਧੰਨ ਦੇਣਾ
ਧੰਨ ਜਿਗਰਾ ਬਾਬਲ ਤੇਰਾ ਏ ।
ਤੂੰ ਦਾਤਾਂ ਏ ਦਿੰਦਾ ਕੋਲੋਂ
ਸਿਰ ਕਿਉਂ ਨੀਵਾਂ ਤੇਰਾ ਏ ।
ਸਿਰ ਚੱਕ ਤੁਰ ਕੇ ਸੰਗ ਕੁੜਮਾ ਦੇ
ਝੂਠੀਆਂ ਰਸਮਾਂ ਤੋੜ ਦਵੀ ।

ਹੋਣ ਵਪਾਰੀ ਮਾਪੇ ਜਿਹੜੇ
ਉਹ ਪੁੱਤਰਾਂ ਦਾ ਮੁੱਲ ਪਾਉਂਦੇ ਨੇ ।
ਜੇ ਘਾਟੇ ਦਾ ਸੌਦਾ ਦਿਸਦਾ
ਫਿਰ ਨੂਹਾਂ ਨੂੰ ਅੱਗ ਲਾਉਂਦੇ ਨੇ ।
ਲਾਡਾਂ ਦੇ ਨਾਲ ਪਾਲ ਪੋਸ ਕੇ
ਨਾ ਦਰਿਆਵੇ ਰੋੜ ਦਵੀਂ ।

ਨਿੱਤ ਅਖਬਾਰਾਂ ਦੇ ਵਿੱਚ ਆਉਂਦਾ
ਦਾਜ ਦੀ ਭੇਟਾ ਚੜ੍ਹੀ ਧੀਆਣੀ ।
ਰੱਬੀਆ ਦੱਸ ਕੀ ਹੋਣ ਸਜਾਂਵਾ
ਪੈਸੇ ਤੇ ਮੁੱਕ ਜਾਇ ਕਹਾਣੀ ।
ਮਹਿਲਾ ਦੇ ਨਾਂ ਸੁਪਨੇ ਬਾਬਲ
ਸੁਖੀ ਵਸਾ ਓਥੇ ਤੋਰ ਦਵੀਂ

 

ਹਰਵਿੰਦਰ ਸਿੰਘ ਰੱਬੀਆ (9464479469)

Related posts

ਅਗਲੇ ਹੁਕਮਾਂ ਤਕ ਤਿੰਨ ਖੇਤੀ ਕਾਨੂੰਨਾਂ ‘ਤੇ ਸੁਪਰੀਮ ਕੋਰਟ ਨੇ ਲਾਈ ਰੋਕ, ਕਮੇਟੀ ਗਠਿਤ

On Punjab

ਸਫ਼ਰ ਨਜ਼ਰਾਂ ਦਾ ਹੀ ਰਿਹਾ

Pritpal Kaur

ਪਾਕਿਸਤਾਨ ਦੀ ਕਰਾਚੀ ਯੂਨੀਵਰਸਿਟੀ ‘ਚ ਧਮਾਕਾ, ਦੋ ਚੀਨੀ ਨਾਗਰਿਕਾਂ ਸਮੇਤ ਚਾਰ ਦੀ ਮੌਤ ਤੇ ਕਈ ਜ਼ਖਮੀ

On Punjab