PreetNama
ਰਾਜਨੀਤੀ/Politics

ਜਲਿਆਵਾਲ ਬਾਗ ‘ਚ ਇਤਰਾਜ਼ਯੋਗ ਤਸਵੀਰਾਂ ਬਾਬਤ ਫਿਲਹਾਲ ਕੋਈ ਸ਼ਿਕਾਇਤ ਨਹੀਂ ਮਿਲੀ: ਐੈਸਡੀਐੈਮ ਦਾ ਦਾਅਵਾ

ਜਲਿਆਵਾਲਾ ਬਾਗ ਦੇ ਚੱਲ ਰਹੇ ਨਵੀਨੀਕਰਨ ਦੌਰਾਨ ਉੱਥੇ ਬਣੀਆਂ ਗੈਲਰੀਆਂ ‘ਚ ਲਾਈਆਂ ਕੁਝ ਤਸਵੀਰਾਂ ‘ਤੇ ਵਿਵਾਦ ਉੱਠੇ। ਜਿਨ੍ਹਾਂ ਦੇ ਮੀਡੀਆ ‘ਚ ਆਉਣ ਤੋਂ ਬਾਅਦ ਬੀਤੇ ਦਿਨੀਂ ਅੰਮ੍ਰਿਤਸਰ ਦੇ ਐੈਸਡੀਐੈਮ-1 ਵਿਕਾਸ ਹੀਰਾ ਨੇ ਜਲਿਆਵਾਲਾ ਬਾਗ ਦਾ ਦੌਰਾ ਕੀਤਾ। ਇਸ ਬਾਰੇ ਅੱਜ ਏਬੀਪੀ ਸਾਂਝਾ ਨਾਲ ਗੱਲਬਾਤ ਦੌਰਾਨ ਐੈਸਡੀਐੈਮ ਵਿਕਾਸ ਹੀਰਾ ਨੇ ਕਿਹਾ ਕਿ ਜਲਿਆਵਾਲਾ ਬਾਗ ਦੇ ਨਵੀਂਨੀਕਰਨ ਦਾ ਕੰਮ ਚੱਲਣ ਕਾਰਨ ਸਮੇਂ-ਸਮੇਂ ‘ਤੇ ਅਧਿਕਾਰੀ ਉੱਥੇ ਕੰਮਾਂ ਦਾ ਨਿਰੀਖਣ ਕਰਦੇ ਰਹਿੰਦੇ ਹਨ ਤੇ ਉਹ ਵੀ ਰੂਟੀਨ ‘ਚ ਹੀ ਜਲਿਆਂਵਾਲਾ ਬਾਗ ਦਾ ਦੌਰਾ ਕਰਨ ਗਏ ਸੀ।

ਐੈਸਡੀਐਮ ਵਿਕਾਸ ਹੀਰਾ ਨੇ ਅੱਗੇ ਕਿਹਾ ਕਿ ਉੱਥੇ ਲੱਗੀਆਂ ਤਸਵੀਰਾਂ ‘ਤੇ ਜੋ ਵਿਵਾਦ ਹੋਇਆ, ਉਸ ਦੀ ਜਾਣਕਾਰੀ ਵੀ ਉਨ੍ਹਾਂ ਨੂੰ ਮੀਡੀਆ ਰਾਹੀਂ ਹੀ ਮਿਲੀ ਹੈ ਪਰ ਹਾਲੇ ਤਕ ਕੋਈ ਵੀ ਸ਼ਿਕਾਇਤ ਨਹੀਂ ਮਿਲੀ ਤੇ ਜੇਕਰ ਉਨ੍ਹਾਂ ਨੂੰ ਕੋਈ ਸ਼ਿਕਾਇਤ ਆਾਉਂਦੀ ਹੈ ਤਾਂ ਇਸ ਬਾਰੇ ਉਹ ਜਾਂਚ ਜ਼ਰੂਰ ਕਰਨਗੇ।

ਐੈਸਡੀਐੈਮ ਮੁਤਾਬਕ ਜਲਿਆਂਵਾਲਾ ਬਾਗ ਚੋਂ ਉਹ ਤਸਵੀਰਾਂ ਪ੍ਰਬੰਧਕ ਕਮੇਟੀ ਵੱਲੋਂ ਹਟਾ ਦਿੱਤੀਆਂ ਗਈਆਂ ਹਨ। ਐੈਸਡੀਐੈਮ ਹੀਰਾ ਨੇ ਦੱਸਿਆ ਕਿ ਉਕਤ ਤਸਵੀਰਾਂ ਕਿਥੋਂ ਲਿਆਂਦੀਆਂ ਤੇ ਕਿਸ ਦੇ ਕਹਿਣ ‘ਤੇ ਲਾਈਆਂ ਗਈਆਂ, ਇਹ ਪ੍ਰਬੰਧਕ ਕਮੇਟੀ ਹੀ ਦੱਸ ਸਕਦੀ ਹੈ।

ਜ਼ਿਕਰਯੋਗ ਹੈ ਦੋ ਦਿਨ ਪਹਿਲਾਂ ਰਾਜ ਸਭਾ ਮੈਂਬਰ ਸ਼ਵੇਤ ਮਲਿਕ ਜਲਿਆਂਵਾਲਾ ਬਾਗ ਦੇ ਨਵੀਨੀਕਰਨ ਦੇ ਚੱਲ ਰਹੇ ਕੰਮ ਨੂੰ ਦਿਖਾਉਣ ਲਈ ਮੀਡੀਆ ਨੂੰ ਨਾਲ ਲੈ ਕੇ ਗਏ ਸੀ, ਜਿੱਥੇ ਗੈਲਰੀ ‘ਚ ਦੋ ਤਸਵੀਰਾਂ ਲੱਗੀਆਂ ਸੀ। ਦੱਸਣਯੋਗ ਹੈ ਕਿ ਅੰਤਰਰਾਸ਼ਟਰੀ ਸਰਵ ਕੰਬੋਜ ਸੁਸਾਇਟੀ ਦੇ ਪੰਜਾਬ ਪ੍ਰਧਾਨ ਹਰਮੀਤ ਸਿੰਘ ਨੇ ਇਨ੍ਹਾਂ ਤਸਵੀਰਾਂ ਬਾਰੇ ਦੇਸ਼ ਦੇ ਪ੍ਰਧਾਨ ਮੰਤਰੀ ਨੂੰ ਇੱਕ ਪੱਤਰ ਵੀ ਲਿਖਿਆ ਸੀ।

Related posts

ਗਾਂਧੀ ਜਯੰਤੀ ‘ਤੇ ਰਾਹੁਲ ਗਾਂਧੀ ਦਾ ਟਵੀਟ-‘ ਮੈਂ ਦੁਨੀਆ ਵਿਚ ਕਿਸੇ ਤੋਂ ਨਹੀਂ ਡਰਾਂਗਾ, ਝੂਠ ਨੂੰ ਸੱਚ ਨਾਲ ਜਿੱਤ ਲਿਆਂਗਾ’

On Punjab

ਸੁਪਰੀਮ ਕੋਰਟ ਨੇ ਚਿਦੰਬਰਮ ਨੂੰ ਦਿੱਤੀ ਜ਼ਮਾਨਤDec

On Punjab

ਵਾਰਾਣਸੀ ਤੋਂ ISI ਏਜੰਟ ਰਾਸ਼ਿਦ ਅਹਿਮਦ ਗ੍ਰਿਫ਼ਤਾਰ

On Punjab
%d bloggers like this: