ਵਿਸ਼ਵ ਕੱਪ ਦੇ ਚੱਲਦਿਆਂ ਕ੍ਰਿਕੇਟ ਪ੍ਰੇਮੀਆਂ ਦਾ ਅਥਾਹ ਪਿਆਰ ਟੀਮ ਦੇ ਖਿਡਾਰੀਆਂ ਪ੍ਰਤੀ ਜ਼ਾਹਰ ਹੁੰਦਾ ਹੈ। ਅਜਿਹੀ ਹੀ ਮਿਸਾਲ ਸਿੰਗਾਪੁਰ ਤੋਂ ਆਈ ਹੈ, ਜਿੱਥੇ ਇੱਕ ਪ੍ਰਵਾਸੀ ਭਾਰਤੀ ਦੇ ਮਨ ਵਿੱਚੋਂ ਭਾਰਤੀ ਟੀਮ ਲਈ ਪਿਆਰ ਵਿੱਸਰਿਆ ਨਹੀਂ ਇਸ ਲਈ ਉਹ ਆਪਣੇ ਪਰਿਵਾਰ ਸਮੇਤ ਕਾਰ ਚਲਾਉਂਦਿਆਂ ਸੜਕੀ ਰਸਤੇ ਰਾਹੀਂ ਇੰਗਲੈਂਡ ਪਹੁੰਚ ਗਿਆ ਹੈ।
ਸਿੰਗਾਪੁਰ ਦੇ ਮਾਥੁਰ ਪਰਿਵਾਰ ਦੇ ਮੋਢੀ ਦੇ ਸਭ ਤੋਂ ਬਜ਼ੁਰਗ ਮੈਂਬਰ ਅਖਿਲੇਸ਼ ਮਾਥੁਰ, ਉਨ੍ਹਾਂ ਦੀ ਪਤਨੀ ਅੰਜਨਾ, ਉਨ੍ਹਾਂ ਦੇ ਪੁੱਤਰ ਅਨੁਪਮ ਮਾਥੁਰ ਤੇ ਉਸ ਦੀ ਪਤਨੀ ਅਦਿਤੀ, ਦੋਵਾਂ ਦੇ ਪੁੱਤਰ ਅਵਿਵ (6) ਤੇ ਧੀ ਆਵਿਆ (3) ਇੰਗਲੈਂਡ ਪਹੁੰਚ ਚੁੱਕੇ ਹਨ।
ਪਰਿਵਾਰ ਦੇ ਇਸ ਵਿਲੱਖਣ ਰੋਡ ਟੂਰ ਨੂੰ 17 ਮਈ ਨੂੰ ਸਿੰਗਾਪੁਰ ‘ਚ ਭਾਰਤੀ ਹਾਈ ਕਮਿਸ਼ਨਰ ਜਾਵੇਦ ਅਸ਼ਰਫ ਨੇ ਹਰੀ ਝੰਡੀ ਦਿਖਾਈ ਸੀ ਅਤੇ ਉਹ 5 ਜੁਲਾਈ ਨੂੰ ਬ੍ਰਿਟੇਨ ਦੇ ਲੀਡਸ ਸ਼ਹਿਰ ਪਹੁੰਚ ਗਏ।
ਇੱਥੇ ਉਨ੍ਹਾਂ ਬੀਤੇ ਕੱਲ੍ਹ ਯਾਨੀ ਛੇ ਨੂੰ ਭਾਰਤ ਸ੍ਰੀਲੰਕਾ ਦਾ ਮੈਚ ਵੀ ਦੇਖਿਆ।
ਹੁਣ ਇਸ ਪਰਿਵਾਰ ਨੂੰ ਸੈਮੀਫਆਇਨਲ ਤੇ 14 ਜੁਲਾਈ ਨੂੰ ਹੋਣ ਵਾਲੇ ਫਾਇਨਲ ਦਾ ਇੰਤਜ਼ਾਰ ਹੈ। ਅਨੁਪਮ 
ਮਾਥੁਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦਾ ਸੁਫਨਾ ਹੈ ਕਿ ਭਾਰਤੀ ਟੀਮ ਉਨ੍ਹਾਂ ਦੀ ਮੌਜੂਦਗੀ ਵਿੱਚ ਇੱਕ ਵਾਰ ਮੁੜ ਇਤਿਹਾਸ ਵਿਸ਼ਵ ਕੱਪ ਦਾ ਦੁਹਰਾਏ।
