42.15 F
New York, US
February 23, 2024
PreetNama
ਸਮਾਜ/Social

ਉਬਲਦੀਆਂ ਦੇਗਾਂ

ਉਬਲਦੀਆਂ ਦੇਗਾਂ ਦੀ ਪ੍ਰਵਾਹ ਨਾ ਕਰਨਾ
ਕੂਲੇ ਅੰਗਾਂ ਨੂੰ ਸਾੜਨਾ
ਖੋਪਰੀਆਂ ਲਹਾਉਣਾ
ਕੋਈ ਅਫ਼ਵਾਹ ਨਹੀਂ
ਸਗੋਂ ਸੱਚ ਨੂੰ ਸਾਹਮਣੇ ਲਿਆਉਣਾ ਹੈ
ਝੂਠ ਨੂੰ ਨੰਗਿਆਂ ਕਰਨਾ ਹੈ।

ਮਾਂ ਦੀ ਝੋਲੀਓਂ ਚੁੱਕ
ਅਸਮਾਨ ਵੱਲ ਉਲਾਰਿਆ ਗਿਆ ਬੱਚਾ
ਨੇਜ਼ਿਆਂ ਵਿੱਚ ਪਰੋਇਆ ਗਿਆ
ਧਰਤੀ ‘ਤੇ ਆਏ ਤਾਂ ਸਿਰਫ…
ਮਾਸ ਦੇ ਲੋਥੜੇ
ਰੱਤ ਦੀਆਂ ਧਾਰਾਂ
ਇਹ ਕੋਈ ਖੇਲ੍ਹ ਨਹੀਂ
ਸਗੋਂ ਕਰੂਰ ਯਥਾਰਥ ਨਾਲ
ਦਸਤ-ਪੰਜਾ ਲੈਣਾ ਹੈ।

ਵਿਲਕਦੀ ਭੁੱਖ ਨੂੰ ਖ਼ਰਮਸਤੀਆਂ ਕਰਨਾ
ਗਰਮ ਸੀਖਾਂ ਨਾਲ
ਅੱਖਾਂ ਅੰਨ੍ਹੀਆਂ ਕਰਵਾਉਣਾ
ਬੰਦ-ਬੰਦ ਕਟਵਾ ਲੈਣਾ
ਆਰਿਆਂ ਨਾਲ ਚੀਰੇ ਜਾਣਾ
ਕੋਈ ਚਾਅ ਨਹੀਂ
ਸਗੋਂ ਜ਼ਿੰਦਗੀ ਦਾ ਸਵਾਲ ਹੈ।

ਮੋਏ-ਮੁੱਕਰੇ ਸੱਜਣਾਂ ਨੂੰ
ਰੋਣ ਵਾਲਿਓ…
ਮੋਹ ਦੀ ਜਾਂਚ ਸਿੱਖਣੀ ਹੈ
ਤਾਂ …ਖ਼ੂਨ ਨਾਲ ਲਿਖੇ
ਇਸ ਇਤਿਹਾਸ ਤੋਂ ਸਿੱਖੋ।
( ਸੰਧੂ ਗਗਨ )
+917589431402

Related posts

ਉੱਤਰੀ ਕਸ਼ਮੀਰ ‘ਚ LOC ਨੇੜੇ ਬਰਫ਼ ਦੇ ਤੋਦਿਆਂ ਹੇਠ ਦੱਬੇ ਤਿੰਨ ਜਵਾਨ

On Punjab

ਪਾਕਿਸਤਾਨ ‘ਚ ਹਿੰਦੂਆਂ ‘ਤੇ ਨਹੀਂ ਰੁਕ ਰਿਹਾ ਅੱਤਿਆਚਾਰ, ਮਸਜਿਦ ਤੋਂ ਪੀਣ ਦਾ ਪਾਣੀ ਲਿਆਉਣ ‘ਤੇ ਵਿਅਕਤੀ ਨੂੰ ਬਣਾਇਆ ਬੰਧਕ

On Punjab

ਸਰਕਾਰ ਨੇ ਪੂਰੇ ਸੂਬੇ ‘ਚ ਲਾਇਆ ਤੰਬਾਕੂ ‘ਤੇ ਬੈਨ

On Punjab