86.65 F
New York, US
July 16, 2025
PreetNama
ਖੇਡ-ਜਗਤ/Sports News

ਅਦਾਕਾਰਾ ਇਸ਼ਾ ਗੁਪਤਾ ਨੇ ਅਨੁਪਮ ਖੇਰ ਬਾਰੇ ਕੀਤਾ ਨਵਾਂ ਖੁਲਾਸਾ

ਬਾਲੀਵੁੱਡ ਅਦਾਕਾਰਾ ਇਸ਼ਾ ਗੁਪਤਾ ਨੇ ਆਪਣੀ ਆਉਣ ਵਾਲੀ ਫ਼ਿਲਮ ਵਨ ਡੇ ਦੀ ਸ਼ੂਟਿੰਗ ਪੂਰੀ ਕਰ ਲਈ ਹੈ। ਇਸ ਫ਼ਿਲਮ ਚ ਉਨ੍ਹਾਂ ਨਾਲ ਅਦਾਕਾਰ ਅਨੁਪਮ ਖੇਰ ਵੀ ਨਜ਼ਰ ਆਉਣਗੇ। ਇਸ਼ਾ ਨੇ ਕਿਹਾ ਕਿ ਇਕ ਹੰਢੇ ਹੋਏ ਅਦਾਕਾਰ ਨਾਲ ਕੰਮ ਕਰਕੇ ਮੈਂ ਖੁੱਦ ਨੂੰ ਬੇਹਦ ਖੁਸ਼ਕਿਸਮਤ ਮੰਨ ਰਹੀ ਹਾਂ।

ਇਸ਼ਾ ਨੇ ਅੱਗੇ ਕਿਹਾ ਕਿ ਅਨੁਪਮ ਖੇਰ ਸਰ ਮੇਰੇ ਗੁਰੂ ਹਨ ਕਿਉਂਕਿ ਮੈਂ ਉਨ੍ਹਾਂ ਦੇ ਸਕੂਲ ਐਕਟਰ ਪ੍ਰੀਪੇਅਰਸ ਤੋਂ ਅਦਾਕਾਰੀ ਦੀ ਸਿੱਖਿਆ ਲਈ ਹੈ। ਅਸੀਂ ਸਾਰੇ ਜਾਣਦੇ ਹਾਂ ਕਿ ਇਕ ਅਦਾਕਾਰ ਵਜੋਂ ਉਹ ਬੇਹੱਦ ਚੰਗੇ ਹਨ ਪਰ ਇਸ ਦੇ ਨਾਲ ਹੀ ਉਹ ਇਕ ਮਹਾਨ ਅਧਿਆਪਕ ਵੀ ਹਨ।

ਇਸ਼ਾ ਨੇ ਅਨੁਪਮ ਖੇਰ ਦੀ ਕੰਮ ਪ੍ਰਤੀ ਭਾਵਨਾ ਨੂੰ ਪ੍ਰਗਟਾਉਂਦਿਆਂ ਕਿਹਾ ਕਿ ਇਹ ਦੇਖ ਕੇ ਬਹੁਤ ਹੈਰਾਨੀ ਹੁੰਦੀ ਹੈ ਜਦੋਂ ਕਈ ਫ਼ਿਲਮਾਂ ਚ ਕੰਮ ਕਰਨ ਮਗਰੋਂ ਵੀ ਉਹ ਫ਼ਿਲਮਕਾਰ ਤੇ ਨਿਰਭਰ ਰਹਿੰਦੇ ਹਨ ਤੇ ਲਗਾਤਾਰ ਗੱਲ ਕਰਦੇ ਹਨ ਕਿ ਕਿਸੇ ਸੀਨ ਨੂੰ ਵੱਖਰੇ ਅੰਦਾਜ਼ ਚ ਕਿਵੇਂ ਕੀਤਾ ਜਾ ਸਕਦਾ ਹੈ। ਉਨ੍ਹਾਂ ਦੀ ਇਹ ਗੱਲ ਬੇਹੱਦ ਖ਼ਾਸ ਹੈ।

ਦੱਸਣਯੋਗ ਹੈ ਕਿ ਸਾਲ 2012 ਚ ਫ਼ਿਲਮ ਜੰਨਤ-2 ਨਾਲ ਇਸ਼ਾ ਗੁਪਤਾ ਨੇ ਬਾਲੀਵੁੱਡ ਚ ਆਪਣਾ ਭਵਿੱਖ ਸ਼ੁਰੂ ਕੀਤਾ ਸੀ । ਇਸ ਤੋਂ ਬਾਅਦ ਰਾਜ਼ 3ਡੀ, ਰੁਸਤਮ, ਕਮਾਂਡੋ-2 ਤੇ ਬਾਦਸ਼ਾਹੋ ਵਰਗੀਆਂ ਫ਼ਿਲਮਾਂ ਚ ਵੀ ਇਸ਼ਾ ਨੇ ਕੰਮ ਕੀਤਾ ਹੈ।

 

Related posts

ਆਸਟਰੇਲਿਆਈ ਬੱਲੇਬਾਜ਼ ਕੋਨਸਟਾਸ ਨਾਲ ਭਿੜਨ ਕਾਰਨ ਕੋਹਲੀ ਨੂੰ ਮੈਚ ਫ਼ੀਸ ਦਾ 20 ਫ਼ੀਸਦੀ ਜੁਰਮਾਨਾ

On Punjab

ਟਵੰਟੀ-ਟਵੰਟੀ ਵਰਲਡ ਕੱਪ ‘ਤੇ ਸਥਿਤੀ ਸਪੱਸ਼ਟ ਨਹੀਂ, ਕ੍ਰਿਕਟ ਆਸਟ੍ਰੇਲੀਆ ਨੇ ਕਿਹਾ…

On Punjab

ਮੇਸੀ, ਅਸੀਂ ਤੇਰਾ ਇੰਤਜ਼ਾਰ ਕਰ ਰਹੇ ਹਾਂ..,’ ਫੁੱਟਬਾਲ ਸਟਾਰ ਨੂੰ ਮਿਲੀ ਧਮਕੀ, ਪਰਿਵਾਰ ਦੇ ਸਟੋਰ ‘ਤੇ ਅੰਨ੍ਹੇਵਾਹ ਗੋਲੀਬਾਰੀ

On Punjab