80.71 F
New York, US
July 24, 2024
PreetNama
ਖੇਡ-ਜਗਤ/Sports News

KRK ਨੇ ਵਿਰਾਟ ਕੋਹਲੀ ‘ਤੇ ਦਿੱਤਾ ਵਿਵਾਦਿਤ ਬਿਆਨ

ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਸੌਰਵ ਗਾਂਗੁਲੀ ਦਾ BCCI ਦੇ ਨਵੇਂ ਚੇਅਰਮੈਨ ਬਣਨਾ ਲਗਪਗ ਤੈਅ ਹੈ । ਜਿਸ ਤੋਂ ਬਾਅਦ ਦੁਨੀਆ ਭਰ ਦੇ ਪ੍ਰਸ਼ੰਸਕ ਉਨ੍ਹਾਂ ਨੂੰ ਵਧਾਈਆਂ ਦੇ ਰਹੇ ਹਨ । ਇਸ ਦੌਰਾਨ ਬਾਲੀਵੁੱਡ ਅਦਾਕਾਰ ਕਮਲ ਰਾਸ਼ਿਦ ਖਾਨ ਯਾਨੀ ਕਿ ਕੇਆਰਕੇ ਵੱਲੋਂ ਵੀ ਇਸ ‘ਤੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਗਈ ਹੈ । ਇਸ ਮਾਮਲੇ ਵਿੱਚ ਕੇਆਰਕੇ ਵੱਲੋਂ ਇੱਕ ਟਵੀਟ ਕੀਤਾ ਗਿਆ ਹੈ, ਜਿਸ ‘ਤੇ ਹਰ ਕੋਈ ਚਰਚਾ ਕਰ ਰਿਹਾ ਹੈ ।ਦਰਅਸਲ, ਕੇਆਰਕੇ ਨੇ ਆਪਣੇ ਇਸ ਟਵੀਟ ਵਿੱਚ ਲਿਖਿਆ ਕਿ ਉਨ੍ਹਾਂ ਨੇ ਲੰਬੇ ਸਮੇਂ ਤੋਂ ਕ੍ਰਿਕਟ ਮੈਚ ਦੇਖਣਾ ਬੰਦ ਕਰ ਦਿੱਤਾ ਹੈ, ਕਿਉਂਕਿ ਉਹ ਫਿਕਸਡ ਮੈਚ ਦੇਖਣਾ ਪਸੰਦ ਨਹੀਂ ਕਰਦੇ । ਇਸ ਤੋਂ ਇਲਾਵਾ ਉਨ੍ਹਾਂ ਲਿਖਿਆ ਕਿ ਹੁਣ ਉਹ ਉਮੀਦ ਕਰਦੇ ਹਨ ਕਿ ਇਮਾਨਦਾਰ ਕ੍ਰਿਕਟਰ ਸੌਰਵ ਗਾਂਗੁਲੀ ਵਿਰਾਟ ਕੋਹਲੀ ਨੂੰ ਕਪਤਾਨੀ ਤੋਂ ਹਟਾ ਦੇਣਗੇ, ਜਿਸ ਤੋਂ ਬਾਅਦ ਉਹ ਫਿਰ ਤੋਂ ਮੈਚ ਵੇਖਣਾ ਸ਼ੁਰੂ ਕਰ ਦੇਣਗੇ ।ਦੱਸ ਦੇਈਏ ਕਿ ਵਿਰਾਟ ਕੋਹਲੀ ਦੇ ਪ੍ਰਸ਼ੰਸਕਾਂ ਵੱਲੋਂ ਕੇਆਰਕੇ ਦੇ ਇਸ ਟਵੀਟ ਨੂੰ ਪਸੰਦ ਨਹੀਂ ਕੀਤਾ ਜਾ ਰਿਹਾ । ਜਿਸ ਕਾਰਨ ਉਨ੍ਹਾਂ ਵੱਲੋਂ ਕੇਆਰਕੇ ਦੇ ਇਸ ਰਵੱਈਏ ਦੀ ਜ਼ੋਰਦਾਰ ਆਲੋਚਨਾ ਕੀਤੀ ਜਾ ਰਹੀ ਹੈ । ਫਿਲਹਾਲ ਇਸ ਮਾਮਲੇ ਵਿੱਚ ਹਾਲੇ ਤੱਕ ਵਿਰਾਟ ਕੋਹਲੀ ਜਾਂ ਕੇਆਰਕੇ ਵੱਲੋਂ ਕੋਈ ਪ੍ਰਤੀਕਿਰਿਆ ਨਹੀਂ ਆਈ ਹੈ ।

ਜ਼ਿਕਰਯੋਗ ਹੈ ਕਿ ਇਹ ਕੋਈ ਪਹਿਲਾ ਮੌਕਾ ਨਹੀਂ ਹੈ ਜਦੋਂ ਕੇਆਰਕੇ ਵੱਲੋਂ ਇਸ ਤਰਾਂ ਦਾ ਵਿਵਾਦਿਤ ਟਵੀਟ ਜਾਂ ਬਿਆਨ ਕੀਤਾ ਗਿਆ ਹੈ । ਕੇਆਰਕੇ ਵੱਲੋਂ ਅਕਸਰ ਹੀ ਇਸ ਤਰਾਂ ਦੇ ਬਿਆਨ ਆਉਂਦੇ ਰਹਿੰਦੇ ਹਨ, ਜਿਸ ਕਾਰਨ ਉਹ ਸੁਰਖੀਆਂ ਵਿੱਚ ਬਣੇ ਰਹਿੰਦੇ ਹਨ ।

Related posts

ਕ੍ਰਿਕਟਰ ਬਣਨਾ ਚਾਹੁੰਦੇ ਸੀ ਗੋਲਡ ਮੈਡਲ ਜੇਤੂ ਕ੍ਰਿਸ਼ਨਾ

On Punjab

Syed Modi International : ਪੀਵੀ ਸਿੰਧੂ ਨੇ ਦੂਜੀ ਵਾਰ ਜਿੱਤਿਆ ਸਈਅਦ ਮੋਦੀ ਇੰਟਰਨੈਸ਼ਨਲ ਖਿਤਾਬ, ਮਾਲਵਿਕਾ ਨੂੰ ਦਿੱਤੀ ਮਾਤ

On Punjab

ਕੀ ਸਾਵਰਕਰ ਨੇ ਜੇਲ ‘ਚ ਅੰਗਰੇਜ਼ਾਂ ਤੋਂ ਮੰਗੀ ਸੀ ਮੁਆਫੀ? ਸਰਕਾਰ ਨੇ ਸੰਸਦ ‘ਚ ਦਿੱਤਾ ਇਹ ਜਵਾਬ

On Punjab