44.15 F
New York, US
March 29, 2024
PreetNama
ਖਾਸ-ਖਬਰਾਂ/Important News

ਲੈਂਡਿੰਗ ਦੌਰਾਨ 151 ਮੁਸਾਫਰਾਂ ਨਾਲ ਉੱਡ ਰਹੇ ਜਹਾਜ਼ ‘ਚ ਵੱਜਿਆ ਪੰਛੀ, ਵੱਡਾ ਹਾਦਸਾ ਟਲਿਆ

ਲਖਨਊ: ਬੇਂਗਲੁਰੂ ਤੋਂ ਗੋਰਖਪੁਰ ਆ ਰਿਹਾ ਇੰਡੀਗੋ ਦਾ ਬੋਇੰਗ ਜਹਾਜ਼ ਵੱਡੇ ਹਾਦਸੇ ਦਾ ਸ਼ਿਕਾਰ ਹੋਣੋਂ ਬੱਚ ਗਿਆ। 186 ਸੀਟਾਂ ਵਾਲੇ ਜਹਾਜ਼ ਵਿੱਚ ਸਵਾਰ 151 ਮੁਸਾਫਰਾਂ ਦੀ ਜਾਨ ਉਸ ਵੇਲੇ ਮੁੱਠੀ ਵਿੱਚ ਆ ਗਈ, ਜਦ ਲੈਂਡਿੰਗ ਸਮੇਂ ਜਹਾਜ਼ ਨਾਲ ਪੰਛੀ ਟਕਰਾਅ ਗਿਆ। ਇਸ ਕਾਰਨ ਜਹਾਜ਼ ਦਾ ਸੰਤੁਲਨ ਖਰਾਬ ਹੋ ਗਿਆ, ਪਰ ਤਜ਼ਰਬੇਕਾਰ ਪਾਇਲਟ ਦੀ ਸਮਝਦਾਰੀ ਕਾਰਨ ਜਹਾਜ਼ ਸਹੀ ਤਰੀਕੇ ਨਾਲ ਹੇਠਾਂ ਉੱਤਰ ਗਿਆ।

ਪ੍ਰਾਪਤ ਜਾਣਕਾਰੀ ਮੁਤਾਬਕ ਐਤਵਾਰ ਸਵੇਰੇ 11 ਵਜੇ ਬੇਂਗਲੁਰੂ ਤੋਂ ਗੋਰਖਪੁਰ ਲਈ ਇੰਡੀਗੋ ਦੇ ਬੋਇੰਗ ਜਹਾਜ਼ ਨੇ ਉਡਾਣ ਭਰੀ। ਸ਼ਾਮ ਚਾਰ ਵਜੇ ਗੋਰਖਪੁਰ ਹਵਾਈ ਅੱਡੇ ਉੱਤਰਨਾ ਸੀ। ਇਸ ਦੌਰਾਨ ਜਹਾਜ਼ ਨਾਲ ਪੰਛੀ ਆ ਟਕਰਾਇਆ ਤੇ ਜਹਾਜ਼ ਦਾ ਸੰਤੁਲਨ ਬੁਰੇ ਤਰੀਕੇ ਨਾਲ ਵਿਗੜ ਗਿਆ। ਇੱਕ ਮੁਸਾਫਰ ਨੇ ਆਪਣਾ ਨਾਂਅ ਨਾ ਛਾਪਣ ਦੀ ਸ਼ਰਤ ‘ਤੇ ਦੱਸਿਆ ਕਿ ਇਸ ਦੌਰਾਨ ਜਹਾਜ਼ ਅੰਦਰ ਐਮਰਜੈਂਸੀ ਸਬੰਧੀ ਅਨਾਊਂਸਮੈਂਟ ਹੋਣ ਲੱਗੀਆਂ, ਤਾਂ ਜਹਾਜ਼ ਵਿੱਚ ਬੈਠੇ ਮੁਸਾਫਰ ਕਾਫੀ ਘਬਰਾ ਗਏ ਸਨ।

ਪਾਇਲਟ ਦੇ ਸ਼ਾਨਦਾਰ ਹੁਨਰ ਸਦਕਾ 151 ਮੁਸਾਫਰਾਂ ਤੇ ਅਮਲੇ ਦੀ ਜਾਨ ਬੱਚ ਗਈ। ਏਅਰਪੋਰਟ ਅਥਾਰਟੀ ਤੇ ਇੰਡੀਗੋ ਦੇ ਅਧਿਕਾਰੀਆਂ ਨੇ ਘਟਨਾ ਦੀ ਜਾਣਕਾਰੀ ਉੱਚ ਅਧਿਕਾਰੀਆਂ ਨੂੰ ਦਿੱਤੀ। ਜਹਾਜ਼ ਵਿੱਚ ਆਈ ਤਕਨੀਕੀ ਗੜਬੜੀ ਦੂਰ ਕਰਨ ਲਈ ਦਿੱਲੀ ਤੋਂ ਇੰਜੀਨੀਅਰ ਸੱਦੇ ਗਏ, ਜਿਸ ਕਾਰਨ ਜਹਾਜ਼ ਵਾਪਸ ਬੇਂਗਲੁਰੂ ਨਾ ਜਾ ਸਕਿਆ।

Related posts

ਇਮਰਾਨ ਖਾਨ ‘ਤੇ ਮਰੀਅਮ ਨਵਾਜ਼ ਦਾ ਤੰਜ਼, ਕਿਹਾ- ਪ੍ਰਧਾਨ ਮੰਤਰੀ ਨੂੰ ਅਲਵਿਦਾ ਕਹਿਣ ਇਸਲਾਮਾਬਾਦ ਜਾਣਗੇ ਵਿਰੋਧੀ ਧਿਰ

On Punjab

America : ਭਾਰਤੀ-ਅਮਰੀਕੀ ਸਿੱਖ ਪੁਲਿਸ ਅਧਿਕਾਰੀ ਸੰਦੀਪ ਧਾਲੀਵਾਲ ਦੇ ਹੱਤਿਆਰੇ ਨੂੰ ਸੁਣਾਈ ਮੌਤ ਦੀ ਸਜ਼ਾ

On Punjab

ਹੱਟ ਪਿੱਛੇ ਮਿੱਤਰਾਂ ਦੀ ਦਾੜ੍ਹੀ ਅਤੇ ਮੁੱਛ ਦਾ ਸਵਾਲ ਐ..! ਦੇਖੋ ਕੌਮਾਂਤਰੀ ਦਾੜ੍ਹੀ-ਮੁੱਛ ਮੁਕਾਬਲੇ ਦੀਆਂ ਖ਼ਾਸ ਤਸਵੀਰਾਂ

On Punjab