41.31 F
New York, US
March 29, 2024
PreetNama
ਖੇਡ-ਜਗਤ/Sports News

ਭਾਰਤ ਖਿਲਾਫ਼ T20 ਸੀਰੀਜ਼ ਲਈ ਨਿਊਜ਼ੀਲੈਂਡ ਟੀਮ ਦਾ ਐਲਾਨ, ਢਾਈ ਸਾਲਾਂ ਬਾਅਦ ਇਸ ਖਿਡਾਰੀ ਦੀ ਹੋਈ ਵਾਪਸੀ

New Zealand t20I squad: ਨਿਊਜ਼ੀਲੈਂਡ ਵੱਲੋਂ ਭਾਰਤ ਖਿਲਾਫ਼ ਖੇਡੇ ਜਾਣ ਵਾਲੇ 5 ਟੀ-20 ਮੈਚਾਂ ਦੀ ਸੀਰੀਜ਼ ਲਈ ਟੀਮ ਦਾ ਐਲਾਨ ਕਰ ਦਿੱਤਾ ਗਿਆ ਹੈ । ਇਸ ਸੀਰੀਜ਼ ਵਿੱਚ ਇੰਗਲੈਂਡ ਦੇ ਖਿਲਾਫ ਕੂਲਹੇ ਦੀ ਸੱਟ ਦੇ ਚੱਲਦਿਆਂ ਟੀ-20 ਸੀਰੀਜ਼ ਵਿਚੋਂ ਬਾਹਰ ਰਹਿਣ ਵਾਲੇ ਕੇਨ ਵਿਲੀਅਮਸਨ ਦੀ ਵਾਪਸੀ ਕਰਵਾਈ ਗਈ ਹੈ । ਇਸ ਤੋਂ ਇਲਾਵਾ ਲਗਭਗ ਢਾਈ ਸਾਲ ਬਾਅਦ 32 ਸਾਲ ਦਾ ਤੇਜ਼ ਗੇਂਦਬਾਜ ਹਾਮਿਸ਼ ਬੇਨੇਟ ਦੀ ਟੀਮ ਵਿੱਚ ਵਾਪਸੀ ਕਰਵਾਈ ਗਈ ਹੈ । ਭਾਰਤ ਦਾ ਨਿਊਜ਼ੀਲੈਂਡ ਦੌਰਾ 24 ਜਨਵਰੀ ਤੋਂ ਸ਼ੁਰੂ ਹੋਵੇਗਾ । ਇਸ ਦੌਰੇ ਦੀ ਸ਼ੁਰੂਆਤ t20 ਸੀਰੀਜ਼ ਨਾਲ ਹੋਵੇਗੀ ।

ਦਰਅਸਲ, ਨਿਊਜ਼ੀਲੈਂਡ ਦੇ 32 ਸਾਲਾ ਤੇਜ਼ ਗੇਂਦਬਾਜ਼ ਹਮੀਸ਼ ਬੇਨੇਟ ਵਨਡੇ ਟੀਮ ਦਾ ਨਿਯਮਤ ਮੈਂਬਰ ਰਿਹਾ ਹੈ । ਉਹ 2011 ਦੇ ਵਿਸ਼ਵ ਕੱਪ ਵਿੱਚ ਵੀ ਖੇਡਿਆ ਸੀ. ਬੇਨੇਟ ਨੇ ਆਖਰੀ ਵਾਰ ਮਈ 2017 ਵਿੱਚ ਬੰਗਲਾਦੇਸ਼ ਖ਼ਿਲਾਫ਼ ਵਨਡੇ ਮੈਚ ਖੇਡਿਆ ਸੀ । ਜਿਸ ਤੋਂ ਬਾਅਦ ਬੇਨੇਟ ਨੇ ਅਜੇ ਟੀ -20 ਵਿੱਚ ਸ਼ੁਰੂਆਤ ਨਹੀਂ ਕੀਤੀ । ਹਮੀਸ਼ ਬੇਨੇਟ ਨੇ 16 ਵਨਡੇ ਮੈਚਾਂ ਵਿਚ 23.00 ਦੀ atਸਤ ਨਾਲ 27 ਵਿਕਟਾਂ ਲਈਆਂ ਹਨ, ਪਰ 2011 ਤੋਂ ਉਹ ਸਿਰਫ ਚਾਰ ਮੈਚ ਖੇਡ ਚੁੱਕਿਆ ਹੈ ।

ਉੱਥੇ ਹੀ ਨਿਊਜ਼ੀਲੈਂਡ ਦੇ ਮੁੱਖ ਤੇਜ਼ ਗੇਂਦਬਾਜ ਟਰੇਂਟ ਬੋਲਟ ਅਤੇ ਲਾਕੀਫਰਗ ਊਸਨ ਜ਼ਖਮੀ ਹੋਣ ਕਾਰਨ ਇਸ ਸੀਰੀਜ਼ ਤੋਂ ਬਾਹਰ ਹਨ । ਅਜਿਹੇ ਵਿੱਚ ਕੀਵੀ ਟੀਮ ਵੱਲੋਂ ਕਈ ਨੌਜਵਾਨ ਖਿਡਾਰੀਆਂ ਨੂੰ ਮੌਕਾ ਦਿੱਤਾ ਗਿਆ ਹੈ । ਜਿਸ ਵਿੱਚ ਪਹਿਲੇ 3 ਮੈਚਾਂ ਲਈ ਕੋਲਿਨ ਡੀ ਗਰੈਂਡ ਹੋਮ ਟੀਮ ਦਾ ਹਿੱਸਾ ਹੋਣਗੇ, ਜਦਕਿ ਆਖਰੀ 2 ਮੁਕਾਬਲਿਆਂ ਲਈ ਟਾਮ ਬਰੂਸ ਨੂੰ ਸ਼ਾਮਿਲ ਕੀਤਾ ਗਿਆ ਹੈ ।

ਜ਼ਿਕਰਯੋਗ ਹੈ ਕਿ ਨਿਊਜ਼ੀਲੈਂਡ ਦੀ ਤੇਜ਼ ਗੇਂਦਬਾਜ਼ੀ ਸੱਟਾਂ ਤੋਂ ਪ੍ਰੇਸ਼ਾਨ ਰਹੀ ਹੈ । ਮੈਟ ਹੈਨਰੀ, ਡੱਗ ਬਰੇਸਵੈਲ ਅਤੇ ਐਡਮ ਮਿਲਨ ਨੂੰ ਵੀ ਇਕ ਪਾਸੇ ਕਰ ਦਿੱਤਾ ਗਿਆ ਹੈ । ਜਿਸ ਕਾਰਨ ਭਾਰਤ ਖਿਲਾਫ਼ ਕੇਨ ਵਿਲੀਅਮਸਨ 14 ਮੈਂਬਰੀ ਕੀਵੀ ਟੀਮ ਦੀ ਅਗਵਾਈ ਕਰੇਗਾ। ਨਿਊਜ਼ੀਲੈਂਡ ਟੀਮ ਦੇ ਕੋਲ ਤੇਜ਼ ਗੇਂਦਬਾਜ਼ੀ ਵਿਭਾਗ ਵਿੱਚ ਬੇਨੇਟ ਦੇ ਨਾਲ ਹੀ ਟਿਮ ਸਾਊਦੀ, ਬਲੇਅਰ ਟਿਕਨਰ ਅਤੇ ਸਕਟ ਕੁਗਲਇਨ ਹੋਣਗੇ । ਮਿਚੇਲ ਸੈਂਟਨਰ ਅਤੇ ਈਸ਼ ਸੋਢੀ ਸਪਿਨ ਦੀ ਜਿੰਮੇਦਾਰੀ ਸੰਭਾਲਣਗੇ । ਬੱਲੇਬਾਜ਼ੀ ਚ ਕਪਤਾਨ ਕੇਨ ਵਿਲੀਅਮਸਨ ਦੇ ਨਾਲ ਹੀ ਰੌਸ ਟੇਲਰ, ਕੋਲਿਨ ਮੁਨਰੋ, ਮਾਰਟਿਨ ਗਪਟਿਲ, ਡੇਰਿਲ ਮਿਚੇਲ ਅਤੇ ਟਿੱਮ ਸੀਫਰਟ ਹੋਣਗੇ ।
ਨਿਊਜ਼ੀਲੈਂਡ ਟੀ-20 ਟੀਮ ਵਿੱਚ ਕੇਨ ਵਿਲੀਅਮਸਨ (ਕਪਤਾਨ), ਹਾਮਿਸ਼ ਬੇਨੇਟ, ਕੋਲਿਨ ਡੀ ਗਰੈਂਡਹੋਮ, ਟਾਮ ਬਰੂਸ, ਮਾਰਟਿਨ ਗਪਟਿਲ, ਸਕੱਟ ਕੁਗਲਇਨ, ਡੇਰਿਲ ਮਿਚੇਲ, ਕੋਲਿਨ ਮੁਨਰੋ, ਰੌਸ ਟੇਲਰ, ਬਲੇਅਰ ਟਿਕਨਰ, ਮਿਚੇਲ ਸੈਂਟਨਰ, ਟਿਮ ਸੀਫਰਟ, ਈਸ਼ ਸੋਢੀ ਅਤੇ ਟਿਮ ਸਾਊਦੀ ਸ਼ਾਮਿਲ ਕੀਤੇ ਗਏ ਹਨ ।

Related posts

ਭਾਰਤ ਦੀ ਸ਼ਰਮਨਾਕ ਹਾਰ ਤੋਂ ਬਾਅਦ MS Dhoni ਦਾ ਵੀਡੀਓ ਵਾਇਰਲ, ਕੀਤੀ ਸੀ ਭਵਿੱਖਵਾਣੀ ਭਾਰਤੀ ਟੀਮ ਹਾਰੇਗੀ ਤਾਂ ਜ਼ਰੂਰ

On Punjab

Punjab Games 2023 : ਉਦਘਾਟਨੀ ਸਮਾਰੋਹ ‘ਚ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਬਠਿੰਡਾ ‘ਚ ਖੇਡਣਗੇ ਵਾਲੀਬਾਲ ਮੈਚ

On Punjab

ਪਿੱਠ ਦਰਦ ਦੇ ਆਪ੍ਰੇਸ਼ਨ ਕਾਰਨ ਅਗਲੇ ਦੋ ਟੂਰਨਾਮੈਂਟ ਨਹੀਂ ਖੇਡਣਗੇ ਵੁਡਜ਼

On Punjab