ਨਵੀਂ ਦਿੱਲੀ : ਨਵੰਬਰ ਦਾ ਮਹੀਨਾ ਸਮਾਰਟਫੋਨ ਪ੍ਰੇਮੀਆਂ ਲਈ ਬਹੁਤ ਵਧੀਆ ਰਿਹਾ ਹੈ। ਇਸ ਮਹੀਨੇ ਮਿਡ-ਰੇਂਜ ਤੋਂ ਲੈ ਕੇ ਫਲੈਗਸ਼ਿਪ ਸੈਗਮੈਂਟ ‘ਚ ਕਈ ਫੋਨ ਲਾਂਚ ਕੀਤੇ ਗਏ ਹਨ। ਨਵੇਂ ਫੋਨ ਆਉਣ ਦਾ ਸਿਲਸਿਲਾ ਦਸੰਬਰ ਮਹੀਨੇ ‘ਚ ਵੀ ਰੁਕਣ ਦਾ ਨਾਂ ਨਹੀਂ ਲੈ ਰਿਹਾ ਹੈ। ਇਸ ਮਹੀਨੇ iQOO ਤੇ Vivo ਸਮੇਤ ਕਈ ਕੰਪਨੀਆਂ ਭਾਰਤ ‘ਚ ਦਮਦਾਰ ਫੋਨ ਲੈ ਕੇ ਆ ਰਹੀਆਂ ਹਨ। ਇਨ੍ਹਾਂ ਦੀ ਲਾਂਚ ਡੇਟ ਦਾ ਵੀ ਖੁਲਾਸਾ ਹੋ ਗਿਆ ਹੈ।ਇਨ੍ਹਾਂ ‘ਚੋਂ ਕੁਝ ਫੋਨ ਪਹਿਲਾਂ ਤੋਂ ਹੀ ਚੀਨੀ ਬਾਜ਼ਾਰ ‘ਚ ਵਿਕਰੀ ਲਈ ਉਪਲੱਬਧ ਹਨ ਤੇ ਹੁਣ ਭਾਰਤ ‘ਚ ਲਿਆਂਦੇ ਜਾ ਰਹੇ ਹਨ। ਆਓ ਆਉਣ ਵਾਲੇ ਫ਼ੋਨਾਂ (Upcoming Phones in December 2024) ‘ਤੇ ਇੱਕ ਨਜ਼ਰ ਮਾਰੀਏ।
iQOO 13-iQOO 13 ਚੀਨ ਵਿੱਚ ਪਹਿਲਾਂ ਹੀ ਮੌਜੂਦ ਹੈ। 3 ਦਸੰਬਰ ਨੂੰ ਭਾਰਤ ਵਿੱਚ ਦਾਖ਼ਲ ਹੋਣ ਲਈ ਤਿਆਰ ਹੈ। ਐਮਾਜ਼ਾਨ ‘ਤੇ ਇਸ ਫੋਨ ਬਾਰੇ ਲਗਪਗ ਸਾਰੇ ਵੇਰਵੇ ਸਾਹਮਣੇ ਆਏ ਹਨ। ਇਹ ਕੁਆਲਕਾਮ ਦੇ ਸਨੈਪਡ੍ਰੈਗਨ 8 ਐਲੀਟ ਪ੍ਰੋਸੈਸਰ ਨਾਲ ਲੈਸ ਹੋਵੇਗਾ। ਇਸ ਦੇ ਨਾਲ ਹੀ ਪਾਵਰ ਲਈ 120W ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰਨ ਵਾਲੀ 6,000 mAh ਦੀ ਬੈਟਰੀ ਹੋਵੇਗੀ। ਕੰਪਨੀ ਇਸ ਨੂੰ ਲੈਜੇਂਡ ਐਡੀਸ਼ਨ ਤੇ ਨਾਰਡੋ ਗ੍ਰੇ ਕਲਰ ਆਪਸ਼ਨ ‘ਚ ਲਿਆ ਰਹੀ ਹੈ। ਸੈਲਫੀ ਪ੍ਰੇਮੀਆਂ ਲਈ ਫੋਨ ‘ਚ 32MP ਕੈਮਰਾ ਦਿੱਤਾ ਜਾਵੇਗਾ।
Redmi Note 14 ਸੀਰੀਜ਼-ਕੁਝ ਦਿਨ ਪਹਿਲਾਂ ਕੰਪਨੀ ਨੇ Redmi Note 14 ਸੀਰੀਜ਼ ਦੇ ਭਾਰਤ ਲਾਂਚ ਦੀ ਪੁਸ਼ਟੀ ਕੀਤੀ ਹੈ। ਇਹ ਸੀਰੀਜ਼ ਭਾਰਤ ‘ਚ 9 ਦਸੰਬਰ ਨੂੰ ਲਾਂਚ ਹੋਵੇਗੀ। ਆਉਣ ਵਾਲੀ ਸੀਰੀਜ਼ ‘ਚ ਕੰਪਨੀ Redmi Note 14, Redmi Note 14 Pro ਤੇ Redmi Note 14 Pro ਵੇਰੀਐਂਟ ਨੂੰ ਪੇਸ਼ ਕਰਨ ਜਾ ਰਹੀ ਹੈ। ਇਨ੍ਹਾਂ ‘ਚ MediaTek ਡਾਇਮੇਂਸ਼ਨ ਚਿਪਸੈੱਟ ਮਿਲਣ ਦੀ ਸੰਭਾਵਨਾ ਹੈ। ਇਹ ਸੀਰੀਜ਼ Redmi Note 13 ਸੀਰੀਜ਼ ਉਤਰਾਧਿਕਾਰੀ ਦੇ ਤੌਰ ‘ਤੇ ਕਈ ਅਪਗ੍ਰੇਡ ਕੀਤੇ ਫੀਚਰਜ਼ ਨਾਲ ਆ ਰਹੀ ਹੈ।
Vivo X200 ਸੀਰੀਜ਼ –ਵੀਵੋ ਦੀ ਫਲੈਗਸ਼ਿਪ ਸੀਰੀਜ਼ ਐਮਾਜ਼ਾਨ ਇੰਡੀਆ ਤੇ ਕੰਪਨੀ ਦੀ ਅਧਿਕਾਰਤ ਸਾਈਟ ਰਾਹੀਂ ਵਿਕਰੀ ਲਈ ਉਪਲੱਬਧ ਹੋਵੇਗੀ। ਇਸ ਦੀ ਲਾਂਚਿੰਗ ਡੇਟ ਅਜੇ ਸਾਹਮਣੇ ਨਹੀਂ ਆਈ ਹੈ ਪਰ ਇਸ ਨੂੰ ਜਲਦ ਹੀ ਭਾਰਤ ‘ਚ ਵੀ ਲਾਂਚ ਕੀਤਾ ਜਾ ਸਕਦਾ ਹੈ। ਪ੍ਰਦਰਸ਼ਨ ਲਈ ਇਸ ਵਿੱਚ MediaTek Dimensity 9400 ਪ੍ਰੋਸੈਸਰ ਤੇ 6000 mAh ਬੈਟਰੀ ਵਰਗੀਆਂ ਵਿਸ਼ੇਸ਼ਤਾਵਾਂ ਹੋ ਸਕਦੀਆਂ ਹਨ। Xiaomi ਦੀ 15 ਸੀਰੀਜ਼ ਦਾ ਨਾਂ ਵੀ ਆਉਣ ਵਾਲੇ ਲਾਂਚ ‘ਚ ਸ਼ਾਮਲ ਕੀਤਾ ਗਿਆ ਹੈ ਪਰ ਫਿਲਹਾਲ ਇਸ ਬਾਰੇ ਜ਼ਿਆਦਾ ਅਪਡੇਟ ਨਹੀਂ ਮਿਲੀ ਹੈ।